अ+
अ
अ-
काठमाडौं । नायक अनमोल केसी आन्तरिक पर्यटन प्रवद्र्धन तथा नेत्रहीन महिला संघ नेपालको सहयोगका लागि विभिन्न चार सहरमा जाने भएका छन् । सहयोगका लागि आयोजना हुने अनमोल सहभागी कार्यक्रमलाई ‘अनमोल साँझ–२०१८’ नाम दिइएको छ ।
आयोजक मोनिका इन्टरनेसनल ग्रुपका अनुसार भदौ ९ गते बुटवल, १६ गते पोखरा, २३ गते चितवन र २७ गते बिर्तामोडमा कार्यक्रम हुने छ ।
अनमोल कार्यक्रमस्थलमा हेलिकप्टरमार्फत् जाने छन् । सार्वजनिक कार्यक्रममा कमै मात्रै सहभागी हुने अनमोल यसरी सार्वजनिक कार्यक्रममा सहभागी हुन लागेको यो पहिलो पटक हो ।
यस्तै च्यारिटी शोमा पनि अनमोल पहिलो पटक सहभागी हुन लागेका हुन् ।
