अ+
अ
अ-
भारतमा मतदाता नामावलीको अनियमितताविरुद्ध कांग्रेसको प्रदर्शन
भारतको नयाँदिल्लीमा सन् २०२६ अक्टोबर १२ मा विशेष सघन पुनरावलोकन (एसआईआर) प्रक्रियासँग सम्बन्धित मतदाता नामावलीमा अनियमितता भएको आरोप लगाउँदै भारतीय कांग्रेसका समर्थकहरूले मुख्य निर्वाचन आयुक्त ज्ञानेश कुमारको राजीनामा माग गर्दै प्रदर्शन गरेका छन्।
विपक्षी नेता राहुल गान्धीले आह्वान गरेको मार्चलाई लक्षित गर्दै अधिकारीहरूले लगातार तेस्रो दिन पनि मध्यदिल्लीका विभिन्न क्षेत्रमा हजारौँ सुरक्षाकर्मी परिचालन गरेका छन्। प्रदर्शनलाई नियन्त्रणमा राख्न सडकमा बाक्ला धातुका अवरोधक राखिनुका साथै प्रमुख मेट्रो स्टेसनहरू बन्द गरिएको छ।
तस्बिरमा प्रदर्शनका क्रममा भारतीय प्रधानमन्त्री नरेन्द्र मोदीको तस्बिरनजिकैबाट सुरक्षाकर्मीहरू हिँडिरहेको देखिन्छ।
तस्बिर : मनन वात्स्यायन / एएफपी (AFP)
