अ+
अ
अ-
काठमाडौं। नेपाली बजारमा सुनको मूल्यले फेरि नयाँ उचाइ छोएको छ। नेपाल सुनचाँदी व्यवसायी महासंघले बुधबार सार्वजनिक गरेको मूल्यसूचीअनुसार छापावाला सुनको मूल्य प्रतितोला २ लाख ८८ हजार रुपैयाँ कायम भएको छ।
मंगलबारको तुलनामा सुनको मूल्य ३ हजार रुपैयाँले वृद्धि भएको हो। मंगलबार छापावाला सुन प्रतितोला २ लाख ८५ हजार रुपैयाँमा कारोबार भएको थियो।
त्यस्तै, आज तेजाबी सुनको मूल्य प्रतितोला २ लाख ८५ हजार १ सय रुपैयाँ निर्धारण गरिएको महासंघले जनाएको छ। यता, चाँदीको मूल्य पनि प्रतितोला ४ हजार ४ सय ७५ रुपैयाँ कायम भएको छ।
