काठमाडौं। पाकिस्तानस्थित ब्रोड पिक हिमालमा गएको हिमपहिरोमा परी विश्वप्रसिद्ध नेपाली पर्वतारोही निर्मल पुर्जा सहित सम्पूर्ण आरोहण टोलीको निधन भएको पुष्टि भएको छ।
निर्मल पुर्जाको नेतृत्वमा रहेको आरोहण संस्था एलिट एक्सपेडिसनले हिमपहिरोमा परी उनीसहित उनका सहकर्मी तथा गाइडहरू पूर्वबहादुर गुरुङ, निमा शेर्पालगायत टोलीका सबै सदस्यको ज्यान गएको पुष्टि गरेको हो।
यसअघि बिहीबार ब्रोड पिक आरोहणका क्रममा निर्मल पुर्जासहित १० सदस्यीय टोली पाकिस्तानमा सम्पर्कविहीन भएको थियो। टोली अन्तिम पटक करिब ६,६०० मिटरदेखि ७,००० मिटर उचाइको क्षेत्रमा सम्पर्कमा रहेको बताइएको थियो।
निर्मल पुर्जा विश्वका चर्चित र साहसी नेपाली पर्वतारोहीमध्ये एक थिए। उनले उच्च हिमाल आरोहणमा उल्लेखनीय कीर्तिमान स्थापित गर्दै नेपालको पर्वतारोहण क्षेत्रलाई अन्तर्राष्ट्रिय रूपमा चिनाउन महत्वपूर्ण योगदान दिएका थिए।
