फागुन २६ मंगलबार ,२०८२
काठमाडौ । फागुन २१ गते भएको प्रतिनिधी सभा सदस्य निर्वाचन पछिकाे परिणामलाई जापानीज भाषामा छापिएको छ।याे समाचार जापानी भाषामा छ र विषय नेपालको प्रतिनिधि सभा निर्वाचन सम्बन्धी हो। पत्रीकाले `नेपालमा आम निर्वाचन: नयाँ दलको उदय, लामो समयदेखि रहेका नेताहरूलाई चुनौती´ शिर्षक राखेर समाचार प्रकाशन गरेको छ।
नेपालमा सम्पन्न प्रतिनिधि सभा निर्वाचनमा नयाँ राजनीतिक शक्ति बलियो रूपमा उदाएको देखिएको छ। पूर्व प्रधानमन्त्रीलाई समेत पराजित गर्दै नयाँ दलका उम्मेदवारहरूले उल्लेखनीय सफलता हासिल गरेका छन्।
नयाँ दल राष्ट्रिय स्वतन्त्र पार्टी (RSP) का उम्मेदवारहरूले धेरै क्षेत्रमा जित हासिल गरेका छन्। विशेषगरी युवाहरूको समर्थनका कारण यस दलले उल्लेखनीय मत प्राप्त गरेको बताइएको छ।
राष्ट्रिय राजनीतिमा लामो समयदेखि प्रभाव राख्दै आएका नेताहरूलाई समेत चुनौती दिँदै नयाँ राजनीतिक धार देखिएको छ। विश्लेषकहरूका अनुसार भ्रष्टाचारप्रति असन्तुष्टि, आर्थिक कठिनाइ र पुराना दलप्रति बढ्दो अविश्वासका कारण मतदाताले नयाँ विकल्प रोजेका हुन् – पत्रिकाले लेखेकाे छ।
यस निर्वाचनमा युवापुस्ताको भूमिका महत्वपूर्ण देखिएको छ। सामाजिक सञ्जाल तथा नयाँ अभियानमार्फत युवाहरू सक्रिय भएर मतदान प्रक्रियामा सहभागी भएका थिए ।
नेपालको संसद् (प्रतिनिधि सभा) मा प्रत्यक्ष र समानुपातिक गरी कुल २७५ सदस्य हुन्छन्। यस पटकको निर्वाचनले नेपालको राजनीतिक संरचनामा नयाँ परिवर्तनको संकेत दिएको विश्लेषण गरिएको छ।
