राष्ट्रपति र प्रचण्डबीच भेटवार्ता

सत्तारूढ नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ले राष्ट्रपति विद्यादेवी भण्डारीलाई भेटेका छन्। राष्ट्रपति निवास शितलनिवास पुगेर अध्यक्ष दाहालले आइतबार बिहान राष्ट्रपति भण्डारीलाई भेटेका हुन्।

राष्ट्रपति र प्रचण्डबीच भेटवार्ता भएको दाहालका प्रेस सहयोगी विष्णु सापकोटाले बताए। ‘समसमायिक विषयमा छलफल भयो,’ सापकोटाले भने।

दाहाल र राष्ट्रपतिबीच लामो समयदेखि भेटवार्ता भएको थिएन। प्रधानमन्त्रीसमेत रहेका अर्का अध्यक्ष केपी शर्मा ओली स्वास्थ्य उपचारका लागि सिंगापुर छन्।

अध्यक्ष ओलीले दाहाललाई आवश्यक परे पार्टीका बैठकहरू राख्न सक्ने अधिकारसमेत दिएका थिए।