पुस ६ शुक्रबार ,२०८०
काठमाडौ । अंग्रेजी पात्रो अनुसार डिसेम्बर २२ तारिखलाई वर्षको सबैभन्दा छोटो दिन मानिन्छ । आजको दिन सबैभन्दा छोटो दिन मानिन्छ । र ,आजकाे रात सबैभन्दा लामो हुन्छ ।
वैज्ञानिकहरुका अनुसार जाडो मौसममा पृथ्वीको उत्तरी गोलार्द्ध सूर्यबाट सबैभन्दा टाढा पर्छ । पृथ्वीले अण्डाकार कक्षमा सूर्यको फन्को लगाउने क्रममा पृथ्वीको कुन गोलार्द्ध सूर्यको दिशामा झुकेको छ वा विपरीत दिशामा झुकेको छ भन्ने पक्षले चिसो मौसम र गर्मी मौसमको निर्धारण गर्दछ ।
त्यसैगरी, पृथ्वीको कुनै भूभागमा सूर्यको प्रकाश थोरै समयसम्म रहने र कुनै भूभागमा धेरै समयसम्म रहने हुँदा दिन छोटो र लामो हुन्छ । पृथ्वीको उत्तरी गोलार्द्धमा रहेका मुलुकहरुमा आज वर्षकै छोटो दिन हुन्छ । तर दक्षिणी गोलार्द्धमा रहेका मुलुकहरूमा आज वर्षको सबैभन्दा लामो दिन हो । जुन २१ भने वर्षकै सबैभन्दा लामो दिन हुने गर्दछ ।
साभार :- कलम न्युज
