अत्तरिया । २५६३औँ बुद्ध जयन्तीका अवसरमा अत्तरियामा बिविध कार्यक्रमका साथ मनाईदै छ । अत्तरियामा रहेका १०-१२ स्कुलका प्रशिक्षार्थी,शिक्षक, नागरिक समाज, बुद्धधर्मावलम्बी, सुरक्षाकर्मी,पत्रकार आदीको सहभागितामा बजार र्याली प्रर्दशन गरी अत्तरिया नजिकै दुर्गालक्ष्मी बहुमुखी क्याम्पस जाने बाटोमा बुद्ध मन्दिरमा कोरणसभामा सहभागी छन । हजारौ बिद्यार्थीको सहभागितामा अत्तरिया नजिक रहेका सबै स्कुल हरुको सहभागिता रहेको देखिन्छ ।
अत्तरिया बजार परिक्रमामा एभरेष्ट्र एकेडेमी, जेके माबि, सुदूरपश्चिम माबि, सत्यवती निमाबि, लोटस आई, ज्ञानजोती माबि आदी बिभिन्न स्कुलको सहभागितामा नगर र्याली भएको थियो ।
शान्तिका अग्रदूत गौतम बुद्धले सम्पूर्ण मानव जगत्को कल्याणका निमित्त कठोर तपस्याबाट ज्ञान प्राप्त गरी संसारलाई दीक्षित गरेको उल्लेख गर्नुभएको छ ।
“संसारमा दुःख छ र दुःख हटाउनसके निर्वाण वा शान्ति प्राप्त हुन्छ भन्ने ज्ञानका प्रवर्तक गौतमबुद्धले मैत्री, करुणा र अहिंसाको शिक्षा दिए”, प्रधानमन्त्री ओलीले सन्देशमा भन्नुभएको छ, “जातीय भेदभाव र छूवाछुत प्रथाको विरोध गरे, समनताको सिद्धान्तको प्रतिपादन गरे, त्यसैले गौतमबुद्धको शिक्षा, सिद्धान्त र दर्शनलाई सर्वत्र अनुशरण र प्रशंसा गरिन्छ ।”
बुद्धका विचार जीवनदर्शन र मानव कल्याणसँग सम्बन्धित भएकाले नै विश्वभर प्रसिद्ध र लोकप्रिय बन्न सकेको उल्लेख गर्दै प्रधानमन्क्री ओलीले संयुत्त राष्ट्रसङ्घले समेत गौतमबुद्धबाट प्रतिपादित ज्ञानलाई मुख्य सिद्धान्तका रुपमा अवलम्बन गरी संसारलाई त्यसैअनुरूप शान्तिको बाटोमा डोहोर्याउन खोजेको सन्देशमा भन्नुभएको छ ।
प्रधानमन्त्री ओलीले बुद्धको जन्मस्थल लुम्बिनीलाई विशेष धार्मिक र पर्यटकीयस्थलका रुपमा विकास गर्न सरकार सधैँ सकारात्मक रहेको भन्दै बुद्धजयन्तीको महत्वपूर्ण दिनमा सबैलाई बुद्धप्रदत्त ज्ञानलाई शिरोधार्य गरी विश्व शान्ति र भाइचाराको बाटोमा अगाडि बढ्न प्रेरणा मिलोस् भन्ने कामना गर्नुभएको छ ।
