इनरुवा । नेपालबाट भारततर्फ लादै गरेको अवस्थामा प्रहरीले गिट्टी सहित ट्याक्टर बरामद गरेको छ । ट्याक्टरमा गिट्टी लोड गरी भारततर्फ लादै गर्दा प्रहरीले सुनसरीको कोशी गाउँपालीका ७ स्थित मुसहरी टोलबाट नम्बर नभएको ट्याक्टर बरामद गरिएको प्रहरी नायब निरीक्षक अवधलाल साह सोनार ले जानकारी दिए ।
हरिपुर र श्रीपुर नाका हुँदै नेपाल बाट भारततर्फ ट्याक्टरमा गिट्टी बालुवाको तस्करी हुने गरेको सूचनाका आधारमा ति क्षेत्रमा प्रहरीले निगरानी बढाएपछि गिट्टी सहित ट्याक्टर बरामद गरिएको सोनारले बताए । नेपाल भन्दा भारतमा बढी मुल्यमा बिक्रीवितरण हुने भएकोले यताबाट भारततर्फ गिट्टी बालुवाको तस्करी हुने गरेको सोनारको भनाइ छ । ट्याक्टर चालक भारत जिल्ला सुपौल बीरपुर ४ बस्ने रामप्रवेश गुप्ता सीमा प्रहरी चौकी भाण्टावारीको नियन्त्रणमा रहेको छ ।
बरामद गरिएको ट्याक्टर सहित गिट्टीको २ लाख मूल्यांकन गरि आवश्यक कार्वाहीको लागि सुनसरी भन्सार कार्यालय सेतुबन्द कोशी ब्यारेजमा बुझाएको जनाएको छ ।
