सन् २०२६ सेप्टेम्बर २१ मा केन्याको राजधानी नैरोबीको डाउनटाउन क्षेत्रमा हिरासतमा रहेका युगान्डाका विपक्षी नेता किज्जा बेसिग्येलाई रिहा गर्न माग गर्दै प्रदर्शनका क्रममा केन्याली अधिकारकर्मीहरू प्लेकार्ड बोकेर नारा लगाउँदै।
युगान्डा र केन्याका अधिकारकर्मीहरूको गठबन्धनले विपक्षी नेता किज्जा बेसिग्येको अवस्थाका लागि केन्यालाई जिम्मेवार ठहराएको छ। देशद्रोहको आरोप खेपिरहेका बेसिग्येको स्वास्थ्य अवस्था बिग्रँदै गएको बताइएको छ।
युगान्डाका लामो समयदेखि सत्तामा रहेका राष्ट्रपति योवेरी मुसेभेनीका पूर्व निजी चिकित्सक बेसिग्ये २५ वर्षभन्दा बढी समयअघि पूर्वी अफ्रिकी मुलुकको विपक्षी राजनीतिमा प्रवेश गरेदेखि नै सरकारी निगरानीमा रहँदै आएका छन्। उनलाई सन् २०२४ नोभेम्बरमा केन्या भ्रमणका क्रममा अपहरण गरिएको थियो। त्यसपछि मुसेभेनीविरुद्ध षड्यन्त्र गरेको आरोप लगाउँदै देशद्रोहको अभियोगमा अदालतमा उपस्थित गराइएको थियो। मुसेभेनी चार दशकभन्दा बढी समयदेखि युगान्डाको सत्तामा छन्।
तस्बिर : साइमन माइना/एएफपी
