अ+
अ
अ-
काठमाडौं । रसुवामा आएको भीषण बाढीबाट प्रभावित नागरिकका लागि काठमाडौंमा नागरिकस्तरबाट राहत संकलन सुरु गरिएको छ।
शुक्रबार काठमाडौंको माइतीघरमा स्वतःस्फूर्त रूपमा भेला भएका नागरिकहरूले बाढी प्रभावितका लागि खाद्यान्न, लत्ताकपडा तथा स्वास्थ्य सामग्री संकलन गरेका हुन्। संकलित सामग्री बाढी प्रभावित क्षेत्रमा पठाइने छ।
बाढीका कारण महिला, बालबालिका, ज्येष्ठ नागरिक, व्यापारी तथा सर्वसाधारण विस्थापित भएका छन्। उनीहरूका लागि कम्बल, ब्ल्याङ्केट, त्रिपाल, खानेपानी, चामल, चिउरा, तेल, म्याट लगायत अत्यावश्यक सामग्री संकलन भइरहेको छ।
बाढी प्रभावित नागरिकलाई तत्काल आवश्यक पर्ने खाद्यान्न, कपडा, स्वास्थ्य सामग्री तथा अन्य राहत सामग्री उपलब्ध गराउन नागरिकहरू स्वस्फूर्त रूपमा सहयोगमा जुटेका हुन्।
