अ+
अ
अ-
काठमाडौं, १३ असार । नेकपाका अध्यक्ष एवम् पूर्वप्रधानमन्त्री पुष्पकमल दाहाल प्रचण्ड यतिवेला पत्नी सीता दाहालको उपचारको लागि थाईल्याण्डको बैंककमा व्यस्त छन् । उनको बैंकक बसाई अझै एक साता लम्बिने बुझिएको छ ।
स्रोतका अनुसार प्रचण्ड पत्नीको यतिवेला उपचारमा व्यापक सुधार आएको छ । हिजोमात्रै सीताले स्विमिङ् थेरापी गरेको तस्विर बाहिरिएको थियो । प्रचण्ड पत्नी सीताको उपचारमा एक साता उतै व्यस्त हुने मौकामा अध्यक्ष एवम् वर्तमान प्रधानमन्त्री केपी शर्मा ओलीले भने पार्टीभित्र बरिष्ठ नेता माधव कुमार नेपाल र ईश्वर पोखरेल सम्मलित नयाँ गठबन्धन बनाएको स्रोतको दाबी छ ।
अध्यक्षद्धय ओली र प्रचण्ड देश बाहिर रहँदा ओलीले पार्टीको कार्यवाहक अध्यक्षको जिम्मेवारी समेत नेता नेपाललाई सुम्पिएका थिए । अहिले ओली र नेपालबीच अत्यन्तै सुमधुर र घनिष्ठ सम्बन्ध रहेको बुझिएको छ ।
