राष्ट्रिय स्वतन्त्र पार्टीको बैठक निर्णय सार्वजनिक

काठमाडौं, असोज ८ । राष्ट्रिय स्वतन्त्र पार्टी (रास्वपा) ले असोज ७ र ८ गते सम्पन्न केन्द्रीय समितिको बैठकका निर्णय सार्वजनिक गरेको छ। बैठकले पार्टीका केन्द्रीय सदस्यहरूले राखेका मौखिक धारणा र लिखित प्रस्तावहरूलाई छलफल गर्दै विभिन्न सात बुँदे निर्णय गरेको हो।

बैठकले आगामी कात्तिक १४ र १५ गते हुने केन्द्रीय विस्तारित बैठक तयारी गर्ने निर्णय गरेको छ। सो बैठकमा पार्टीको प्रथम राष्ट्रिय महाधिवेशनसम्बन्धी विषयमा छलफल गरिने छ।

यसैगरी, भदौ २५ गते नख्खु कारागारलगायत विभिन्न स्थानमा भएका घटनाबारे पार्टी सदस्यहरूको सामाजिक सन्तुलनमा परेको असरबारे सत्यतथ्य पत्ता लगाउन छानबिन समिति गठन गर्ने निर्णय भएको छ।

भदौ २२ र २३ गते भएको आन्दोलनमा राज्य पक्षबाट भएको दमनप्रति गम्भीर ध्यानाकर्षण गर्दै सरकारले जिम्मेवारीपूर्वक घटनाको सत्यतथ्य छानबिन गर्नुपर्ने र दोषीमाथि कारबाही गर्नुपर्ने निष्कर्ष निकालेको छ।

बैठकले २०६४ सालदेखि उच्च सार्वजनिक ओहोदामा रहेका व्यक्तिहरूको सम्पत्ति छानबिन गर्न सरकारलाई दबाब दिने निर्णय पनि गरेको छ।

त्यसैगरी, जेनेभा आन्दोलनका क्रममा नेताहरूको निवासमा भेटिएका अवैध सम्पत्ति छानबिन गर्नुपर्ने माग राख्दै सरकारको ध्यानाकर्षण गराइएको छ।

रास्वपाले नयाँ पुस्ता, युवा शक्ति र विभिन्न क्षेत्रका विज्ञहरूलाई संलग्न गराउँदै पाँच सदस्यीय संयोजन समिति गठन गर्ने निर्णय गरेको छ।

फागुन १२ गते हुने उपनिर्वाचनका लागि तयारी स्वरूप पार्टीका उपसभापति डा. स्वर्णिम वाग्ले संयोजक रहने गरी सात सदस्यीय चुनाव लेखन समिति गठन गर्ने निर्णय पनि बैठकले गरेको छ।

–––