भारतबाट आयात हुने तरकारी रसुवागढीमा आँखाले हेरेको भरमा छाडेको पाइयो

भारतबाट आयात हुने तरकारी तथा फलफूलमा विषादी परीक्षण रोकिएको भन्दै सरकारको सर्वत्र आलोचना भएका बेला उत्तरी नाका रसुवागढी भएर आउने सामान भने आँखाले हेरेको भरमा छाड्नु परेको छ ।

चीनबाट रसुवागढी नाका भएर यो वर्ष करिब चार अर्ब रुपैयाँका कृषिजन्य सामान आयात भएका छन् । वर्षेनि आयातको मात्रा बढ्दै गएको छ । तर, यो नाकामा कुनै पनि पूर्वाधार र उपकरण नहुँदा प्राविधिक कर्मचारीले विषादी भए, नभएको र रोग किरा लागे, नलागेको आँखो हेरेर छाड्नु परेको छ ।

२१ औं शताब्दी भए पनि परीक्षण आदिमकालको जस्तै छ । वरिष्ठ बाली संरक्षण अधिकृत तथा कार्यालय प्रमुख कुलदीप घिमिरेले चीनबाट कृषि तथा वनजन्य सामाग्री भित्रिने क्रम बढे पनि नाकामा विषादी परीक्षण हुन नसकेको बताए । यो समाचार आजको नागरिक दैनिकमा हिमनाथ देवकोटाले लेखेका छन् ।