अ+
अ
अ-
फुजियान, चीन । टाइफुन साउडेलका कारण चीनको दक्षिणपूर्वी फुजियान प्रान्तमा भारी वर्षा भएपछि केही क्षेत्रमा जलमग्न भएको छ।
भारी वर्षाका कारण मिन्होउ काउन्टीका विभिन्न क्षेत्रमा पानी जमेको छ। प्रभावित क्षेत्रका बासिन्दाको सुरक्षाका लागि उद्धार तथा राहत कार्यलाई तीव्र पारिएको छ।
सेप्टेम्बर ३ मा फुजियान प्रान्तको मिन्होउ काउन्टीस्थित नानछ्यान गाउँमा उद्धारकर्मीहरूले बाढी प्रभावित स्थानीय बासिन्दालाई सुरक्षित स्थानतर्फ लगिरहेका छन्।
प्रशासनले आपत्कालीन बाढी नियन्त्रण, पानी निकास तथा स्थानीय बासिन्दाको उद्धार अभियान सञ्चालन गरिरहेको छ। प्रभावित क्षेत्रमा सार्वजनिक सुरक्षालाई प्राथमिकतामा राख्दै उद्धार तथा राहतका काम भइरहेको छ।
तस्बिर : सिन्ह्वा/जियाङ केहोङ
