गायक आदित्य नारायण झा आज बेलुकी ठमेलको क्लब फरेनहाटइमा आयोजना हुन लागेको ‘आदित्य नारायण झा लाइभ इन नेपाल’ कार्यक्रममा सहभागी हुन नेपाल आएका छन् । त्रिुभवन विमानस्थलमा संचारकर्मीसँग कुराकानी गर्दै उनले नेपाललाई आफ्नो घर भने । क्यामेराको अगाडि नमस्ते गर्दै मुस्काएका आदित्यले बुबा उदितनारायण झाले गाएको हिट गीत ‘यो गाउँको ठिट्टो म’ पनि गाएर सुनाएका थिए ।
मिडियाकर्मीले नेपाल तपाइको घर कि मामाघर भनेर प्रश्न गर्दा उनले नेपाललाई आफ्नो घर भनेका थिए । आदित्यले भने–‘करिब ८ बर्षपछि म नेपाल आएको हुँ । एकदमै खुशी छु । म भोली जान्छु, यसैले अहिले खासै घुम्न पाउने छैन । नेपाली खाना म जे खुवाउनुहुन्छ खान्छु ।’
